Yanvarın populyar adları
2017-ci ilin ilk ayında Azərbaycanda doğulmuş uşaqlara qoyulan populyar adlar bəlli olub. Novator.az bildirir ki, oğlan adları içində ən populyar ad Yusif adıdır. 59 uşağa Yusif adı verilib.
Siyahıda sonra Əli (33 uşaq), Məhəmməd (29), Hüseyn (24) və Uğur (20) gəlir.
Ömər, Tunar, Ümid adlarının hər biri 19 uşağa qoyulub.
Yanvarın populyar qız adları siyahısında Zəhra öndə durur (35 uşaq). Nuray (29) ikincidir.
Fatimə, Aylin, Məryəm adları üçüncü yeri bölüşürlər (26).
2017-ci ildə doğulan 25 qıza Mələk adı qoyulub.
Dəniz adı 25, Zeynəb adı 24 uşağa verilib.
Novator.az xatırladır ki, 2016-cı ildə ən populyar oğlan adı Yusif adı olub. Populyar oğlan adları siyahısında sonra Hüseyn, Əli, Ömər və Məhəmməd gəlib.
Qız adları siyahısında isə Zəhra birinci, Nuray ikinci, Fatimə üçüncü, Zeynəb dördüncü, Aylin beşinci olub.
