Legatum İnstitutu ölkələrin firavanlıq indeksini açıqlayıb. Novator.az-ın məlumatına görə, ən firavan 5 ölkə reytinq cədvəlində belə sıralanıb: Yeni Zelandiya, Norveç, Finlandiya, İsveçrə, Kanada.

Reytinq cədvəlinin son 5 pilləsində Demokratik Konqo Respublikası, Sudan, Mərkəzi Afrika Respublikası, Əfqanıstan və Yəmən dayanır.

Azərbaycan rifah indeksi cədvəlində 149 ölkə arasında 103-cü yerdədir. Qonşulardan Türkiyə 78-ci, Gürcüstan 84-cü, Rusiya 95-ci, Ermənistan 99-cu, İran 118-cidir.

“Azadlıq” radiosu bildirir ki, ölkələrin rifah səviyyəsi iqtisadiyyatın keyfiyyəti, biznes mühiti, idarəçilik, təhsil, şəxsi azadlıq, səhiyyə, salamatlıq və təhlükəsizlik, sosial kapitalın, ətraf mühitin durumuna görə dəyərləndirilib.