Makroiqtisadi göstəricilər
Dövlət Statistika Komitəsi makroiqtisadi göstəriciləri açıqlayıb. Hesabata görə, yanvar-noyabr aylarında kənd təsərrüfatının ümumi məhsulu 2022-ci ilin eyni dövrü ilə müqayisədə 3,1 faiz artıb (heyvandarlıq məhsulları istehsalı 3,3 faiz, bitkiçilik məhsulları istehsalı 2,8 faiz).
Nəqliyyat sektorunda yük daşınması üzrə 4,9 faiz, sərnişin daşınması üzrə 18,1 faiz yüksəlişin qeydə alındığı bildirilir.
İnformasiya və rabitə xidmətlərinin həcmində artım 16,1 faiz, əhalinin gəlirlərində artım 12,8 faiz, ictimai iaşə dövriyyəsində artım real ifadədə 17,3 faiz göstərilir.
Qeyd olunur ki, yanvar-noyabr aylarında dövlət büdcəsinə 29 milyard 642 milyon manat daxil olub, büdcədən 29 milyard 155,2 milyon manat xərclənib, noyabrın 1-nə kredit portfeli 23 milyard 196,5 milyon manat, əmanətlər 12 milyard 564,1 milyon manat məbləğində rəsmiləşib.
