Novator.az 2023-cü ilin populyar adlarının siyahısına nəzər salıb.

Ədliyyə Nazirliyinin təqdim etdiyi statistikaya görə, yanvar-sentyabr aylarında 1190 qıza Zəhra adı verilib.

Məryəm adı 1023, Zeynəb adı 975 uşağa məsləhət görülüb.

İlk onluqda Aylin (958 uşaq), Nilay (837), Fatimə (823), Ayla (793), Mələk (772), İnci (659), Miray (591) adları da var.

Oğlan adları içində Uğur birincidir: bu adı doqquz ayda 1302 uşaq alıb.

Qalan populyar adlar belə sıralanır: Əli (1246 uşaq), Hüseyn və Yusif (1112), Məhəmməd (784), Ömər (752), Raul (750), Adəm (660), Murad (642), Ayxan (543).