Elmar Hüseynovun ailəsinin vətən ziyarəti
Mərhum jurnalist Elmar Hüseynovun xanımı Ruşaniyə Hüseynova və oğlu Aslan Hüseynov 2023-cü ilin iyul ayında Azərbaycana gəliblər. Bu, Ruşaniyə və Aslanın 2006-cı ildən bəri ilk vətən ziyarəti olub. Onlar Şuşa şəhərinə də baş çəkiblər.
Xəbəri Ruşaniyə Hüseynova avqustun 9-u özünün “Facebook” səhifəsində yayıb.
1967-ci il iyulun 17-si Bakıda doğulan Elmar Hüseynov jurnalistikaya 1990-cı illərin əvvəllərində gəlib. Bir neçə rusdilli media quruluşunda çalışan Elmar Hüseynov daha sonra sərt tənqidi mövqeli “Monitor” jurnalını təsis edib.
Elmar Hüseynov 2005-ci il martın 2-də Bakıda odlu silahla qətlə yetirilib. İndiyədək qətlin üstü açılmayıb, cinayətin sifarişçiləri və icraçıları həbs edilməyib.
Jurnalist Bakıdakı Qurd qapısı qəbiristanlığında dəfn olunub.
Elmarın xanımı 2006-cı ilin sonlarında oğlu ilə birgə Norveçə mühacirət edib.
