Zamin Salayev: tək çarə
Məhbus cəbhəçi Zamin Salayev aclıq aksiyasını davam etdirir.
AXCP Salyan şöbəsinin sədri olan Zamin Salayev fevralın 7-si Bakıda tutulub. İttihama görə, cəbhəçi həmin gün paytaxt sakini Natiq Süleymanova bıçaqla xəsarət yetirib. İstintaqı Qaradağ Rayon Polis İdarəsi aparıb. Mayın 22-də Qaradağ Rayon Məhkəməsi Zamin Salayevə 4 il müddətinə azadlıqdan məhrumetmə cəzası kəsib. Partiya funksioneri silah tətbiq etməklə xuliqanlıqda təqsirli bilinib.
Zamin Salayev ittihamı qəbul etmir, tutulduğu gündən aclıq aksiyası keçirir. Mayın 11-də o, Bakı İstintaq Təcridxanasından Penitensiar Xidmətin Müalicə Müəssisəsinə köçürülüb. Aksiya müddətində Zamin Salayev 50 kiloqrama yaxın çəki itirib, onun səhhəti ağırlaşıb.
Novator.az-ın məlumatına görə, AXCP sədri Əli Kərimli ictimaiyyəti Zamin Salayevi daha fəal müdafiə etməyə çağırıb: “Bir çox adam Zamin bəyin bu qədər uzun müddət aclıq – faktiki olaraq özünə qəsd etməsini yanlış bilir. Belə düşünənləri haqsız saymıram. Özüm də dəfələrlə və təkidlə aclığı dayandırmasını istəmişəm. Ailəsi də təkid edir ki, aclığı dayandırsın. Ancaq adam israr edir. Deyir haqsız tutublar məni, ya azad edəcəklər, ya da burada öləcəm. Zatən ölümə də çox yaxındır. Günü bu gün azad etsələr, Zamin bəy yenə də tam sağalmayacaq. Təəssüf ki, aclıq onun səhhətini tam korlayıb.
Belə bir vəziyyətdə onun əqidə dostları olaraq, toplum olaraq biz nə edək? Biz Zamin bəyi zorla əlindən alınmış azadlığı uğrunda kompromissiz mübarizəsinə görə qınaya, onun özünü haqsız çıxara bilmərik. Belə bir vəziyyətdə tək çarə var. Daha kütləvi şəkildə, daha israrla hakimiyyətdən Zamin bəyə azadlıq tələb etmək. Yorulmayaq, bezməyək, əlimizi yelləyib keçməyək, hər gün daha çox insan Zamin bəyə azadlıq tələb etsin”.
Zamin Salayev 2020-ci il aprelin 20-dən 2022-ci il yanvarın 19-dək ağır cinayətdə ittiham etməklə böhtan və təhqir ittihamı ilə həbsdə yatıb, siyasi məhbus sayılıb.
AXCP sədri Zamin Salayevdən yazıb
Zamin Salayev: məhkəmə qərar verdi
Zamin Salayev qərarından dönmür
Zamin Salayev 8 kiloqram arıqlayıb
Əli Kərimli: “Biganə qalmamalıyıq”
Zamin Salayev oğluna nədən gileylənib?
Əli Kərimli Zamin Salayevə müraciət edib
Vəkil Zamin Salayevə baş çəkib
“Bu zorakılıq dövlətimizi hörmətdən salır”
Zamin Salayev qərarından şikayət verilib
Əli Kərimli Zamin Salayevə səsləndi
Zamin Salayevin istintaqı bitib
Milli Şuranın Zamin Salayevə müraciəti
Zamin Salayev prosesi başlayır
Zamin Salayevin məhkəməsi başladı
“Zülmə birlikdə etiraz etməliyik”
Zamin Salayev xəstəxanaya köçürülüb
