Xaricə gedənlər 23,2 faiz artıb
Sərhəd Xidmətinin hesabatına əsaslanan Dövlət Statistika Komitəsi bildirir ki, 2023-cü ilin yanvar-aprel aylarında Azərbaycana 168 ölkədən 522,9 min (ötən ilin eyni dövrü ilə müqayisədə 1,6 dəfə çox) əcnəbi gəlib. Onların 31,7 faizi Rusiya, 20,9 faizi Türkiyə, 8,4 faizi İran, 5,5 faizi Gürcüstan, 5 faizi Hindistan, 2,3 faizi Pakistan, 2,2 faizi Birləşmiş Ərəb Əmirlikləri, 2 faizi Qazaxıstan, 1,8 faizi Özbəkistan, 1,7 faizi Səudiyyə Ərəbistanı, qalanları başqa ölkələrin vətəndaşlarıdır.
Statistikaya görə, xarici ölkələrə gedən Azərbaycan vətəndaşlarının sayı 2022-ci ilin ilk dörd ayı ilə müqayisədə 23,2 faiz artaraq 493,1 min nəfər olub. Ölkə vətəndaşlarının 38,9 faizi Türkiyəyə, 24,1 faizi Rusiyaya, 9,4 faizi Gürcüstana, 7,8 faizi İrana, 19,8 faizi başqa ölkələrə səfər edib.
