İnam Kərimov hakim təyin edildi
Prezident İlham Əliyevin təqdimatını nəzərə alan Milli Məclis aprelin 4-də İnam Kərimovu Ali Məhkəmənin hakimi təyin edib.
Novator.az bildirir ki, İnam Kərimov 1977-ci il iyunun 6-sı Bakıda doğulub. Bakı Dövlət Universitetində, Fransanın Strasburq və Sorbonna universitetlərində hüquq təhsili alıb.
Prezidentin İcra Aparatında (Prezident Administrasiyası) baş məsləhətçi vəzifəsində çalışıb, Korrupsiyaya Qarşı Mübarizə üzrə Komissiyanın katibi, Vətəndaşlara Xidmət və Sosial İnnovasiyalar üzrə Dövlət Agentliyinin sədri olub, 21 aprel 2018-ci ildə kənd təsərrüfatı naziri postuna təyinat alıb.
Ali Məhkəmə sədrinin təyinatı prezidentin səlahiyyətindədir. 2005-ci ildən Ali Məhkəməyə sədrlik edən Ramiz Rzayev 2023-cü il martın 6-da postundan ayrılıb.
