Narkotik cinayətlərinin statistikası
Daxili İşlər Nazirliyi bildirir ki, 2022-ci ildə ölkədə qeydə alınmış cinayətlərin 29,2 faizi narkotik vasitələrin və psixotrop maddələrin qanunsuz dövriyyəsi ilə əlaqədar olub: “Cinayətlərin 62,8 faizi satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə, saxlama, hazırlama, emal etmə, daşımanın; 32,4 faizi eyni hərəkətləri satış məqsədilə etmə, habelə bu maddələri istehsal etmə, göndərmə, yaxud qanunsuz olaraq satmanın; 3,7 faizi qanunsuz olaraq tərkibində narkotik maddələr olan bitkiləri kultivasiya etmənin; 0,9 faizi güclü təsir edən və ya zəhərli maddələrin satış məqsədilə qanunsuz dövriyyəsinin; 0,2 faizi digər cinayətlərin payına düşüb.
Narkotik vasitələrin və psixotrop maddələrin qanunsuz dövriyyəsi ilə əlaqədar cinayət törətmiş 8587 şəxs müəyyən edilib, onların 98,9 faizi cinayət məsuliyyətinə cəlb olunub. Cinayət törədənlərin 0,2 faizi 14-17 yaşlı, 7 faizi 18-24 yaşlı, 16,7 faizi 25-29 yaşlı, 76,1 faizi 30 və yuxarı yaşlı şəxslərdir”.
