Arif Hacılı
Müsavat Partiyasının başqanı

Demokratik azadlıqların məhdudlaşdırılması, azad seçkilərin keçirilməməsi, insan haqlarının pozulması, siyasi məhbusların mövcudluğu Qarabağ problemi də daxil olmaqla bütün ümummilli problemlərimizin həllini buxovlayan, Azərbaycanı inkişafdan saxlayan əsas amillərdir. Belə davranış, qabaqcıl dünya dövlətlərinin inkişafını təmin edən dəyərlərdən imtina edilməsi Azərbaycanımızı addım-addım məhvə doğru aparır.

Təbii olaraq opponentlərimiz bu naqislikdən dövlətimizə və xalqımıza qarşı daim istifadə edir və edəcəklər. Tək adamın hakimiyyət və alternativsizlik hərisliyi xalqımızın iradəsi, ordumuzun canı, qanı bahasına döyüş meydanında əldə etdiyimiz qələbənin danışıqlar masası arxasında təsdiq edilməsinə imkan vermir.