11 ayın populyar adları
Novator.az Ədliyyə Nazirliyinin təqdim etdiyi populyar adlar statistikasına nəzər salıb.
Rəsmi hesabata görə, 2022-ci ilin yanvar-noyabr aylarında Azərbaycanda doğulmuş qızlara ən çox Zəhra adı qoyulub: 1629 uşaq.
1354 qız Aylin, 1329 qız Zeynəb adı alıb.
İlk onluqda Məryəm (1322 uşaq), Fatimə (1133), Nilay (1112), Mələk (1082), Ayla (904), İnci (895), Nuray (849) adları da var.
Oğlan adları içində Uğur öndədir: 11 ayda 1791 uşağa bu ad məsləhət görülüb.
Əli adı (1665 uşaq) ikinci, Hüseyn adı (1572) üçüncü yerdə qərar tutur.
Qalan populyar adlar belə sıralanır: Yusif – 1479 uşaq, Məhəmməd – 1135, Ömər – 998, Raul – 984, Murad – 941, Adəm – 776, Tunar – 717.
