Yaxın ölkələrin koronavirus itkiləri
Oktyabrın 25-nə olan beynəlxalq statistikaya görə, koronavirus infeksiyası 225 ölkə, ərazi və məkanda 6 milyon 584,1 min nəfərin ölümünə gətirib. Yaxın ölkələrdə ən çox Rusiya itki verib: 389626 nəfər.
İranda 144548, Ukraynada 109819, Türkiyədə 101203 ölüm qeydə alınıb.
Novator.az bildirir ki, Gürcüstanda infeksiyadan 16900, Qazaxıstanda 13692, Moldovada 11878, Litvada 9381, Ermənistanda 8706, Belarusda 7118, Latviyada 6039, Qırğızıstanda 2991, Estoniyada 2729, Özbəkistanda 1637, Tacikistanda 125 nəfər vəfat edib.
2019-cu ilin dekabrında Çində üzə çıxıb dünyanı bürüyən infeksiyaya Azərbaycanda ilk yoluxma 2020-ci il fevralın 28-də rəsmiləşib. Milli hesabata əsasən, 822959 nəfər koronavirusa yoluxub, onların 9937-si vəfat edib, 345-i aktiv xəstədir, qalanları sağalıb.
