Oktyabrın 24-ü Böyük Britaniyada hakim Mühafizəkarlar Partiyasının yeni liderinin adı açıqlanıb: Rişi Sunak. O, baş nazir postuna oturmaq hüququ qazanıb.

Novator.az bildirir ki, 1980-ci il təvəllüdlü Rişi Sunak əslən hindistanlıdır. Oksford və Stenford universitetlərində ali təhsil alıb. 2015, 2017 və 2019-cu illərdə İcmalar Palatasının üzvü seçilib. 2020-2022-ci illərdə maliyyə nazir olub.

Mühafizəkarlar Partiyasının əvvəlki lideri Liz Trass oktyabrın 20-də istefa verərək baş nazir vəzifəsindən ayrılıb.

1975-ci il təvəllüdlü Liz Trass 2022-ci il sentyabrın 5-də Mühafizəkarlar Partiyasının lideri seçilmiş, sentyabrın 6-da baş nazir kürsüsünə oturmuşdu.

Mühafizəkarlar Partiyası ölkə parlamentinin alt qanadı olan İcmalar Palatasında çoxluqdadır.

Krallıq olan Britaniya İngiltərə, Şotlandiya, Uels və Şimali İrlandiyanı birləşdirir. Dövlət başçısı kürsüsünü kral III Karl (Çarlz) tutur.