Yubiley, toy
Jurnalist, ictimai-siyasi xadim İlham İsmayılın 65 yaşı tamam olur.
1957-ci il oktyabrın 22-si Tərtərin Sarıcalı kəndində doğulan İlham İsmayıl Bakı Dövlət Universitetinin jurnalistika fakültəsini və SSRİ Dövlət Təhlükəsizliyi Komitəsinin Minsk Ali Kursunu bitirib.
1981-ci ildən Bərdə Rayon Komsomol Komitəsində təlimatçı vəzifəsində çalışıb.
1983-cü ildən Dövlət Təhlükəsizlik Komitəsinin (Milli Təhlükəsizlik Nazirliyi) Gəncə Şəhər Şöbəsində əməliyyat müvəkkili, baş əməliyyat müvəkkili postlarında xidmət edib.
Milli Təhlükəsizlik Nazirliyinin Şəmkir və Göyçay bölmələrinin rəisi, nazirliyin şöbə rəisi olub.
Birinci Qarabağ müharibəsinin veteranı, polkovnik-leytenantdır.
1995-ci ildən ictimai-siyasi fəaliyyətlə məşğuldur.
“KQB-MTN… Görünən dağın bələdçiliyi” kitabının müəllifidir.
Novator.az bildirir ki, İlham İsmayıl 65 yaşı Avropada qarşılayır. Oktyabrın 22-si onun Almaniyada yaşayan oğlu Cavidanın toyudur.
