Müharibə
Xalid Ağalıyev
İkinci Qarabağ müharibəsi veteranı
Müharibənin təsirlərini hərə bir cür yaşadı, yaşayır, yaşayacaq. Müharibə – görməsən, yaşamasan, heç cür təsəvvür edə bilməyəcəyin dəhşətdir. Hər anda qiymətli itki, hər şeyin yox olacağını gözləməkdir, sərçənin qorxudan hərbçi kitelinin qoltuğuna sığınması, qarğanın başını itirib torpaq üstə çapalaması, itin hürməyi unutması, dovşanın, tülkünün adama pənah gətirməsidir.
Müharibə – qəlpələri ailə dağılmaları, xəstəlik tapmalar, intiharlarla başımıza ələnən, hələ on illərlə davam edəcək dəhşətdir.
Müharibə – yalnız əlində silah olmuş, sağından-solundan mərmilər uçuşmuş on minlərlə hərbi geyimlini ömürlərinin sonuna qədər müşayiət edəcək, yalnız onların yaşantısına yazılmış sərhədsiz çırpıntıdır…
Ölkəmiz heç vaxt müharibə yaşamasın.
