Turist hara gəlsin?
Əli Kərimli
AXCP sədri
Bakı kimi bahalı şəhərə nəyə görə turist axını olsun? Əliyev hökuməti ölkəyə turist axını təşkil etmək istəsəydi, Bakını bu qədər bahalı şəhərə çevirməzdi.
Turist cəlb etmək istəyən hökumət Avropadan, inkişaf etmiş başqa bölgələrdən gələn turistlərdən viza tələb etməzdi – Gürcüstan kimi.
Ölkəsinə turist axını təşkil etmək istəyən hökumət quru sərhədlərini bağlı saxlamaz, təyyarə biletlərini üç-beş dəfə baha satan AZAL-ın monopoliyasına göz yummazdı.
Ölkəyə turist, investisiya axınında maraqlı olan hökumət normal məhkəmə, səhiyyə, polis sistemi qurardı. Ölkəni dünyada hüquqların hər addımda pozulduğu, azad mətbuatın, məhkəmənin olmadığı, işgəncə və polis zorakılığının gündəlik hal olduğu dövlət kimi təqdim etməzdi.
Əliyev hökuməti hər şeyi edir ki, inkişaf etmiş ölkələrdən Azərbaycana turist gəlməsin. Sonra da hər yay azı 10 gün Bakı sakinlərinin yollarını bağlayıb ev dustağı edirlər ki, “Formula 1” yarışı keçirilir. Guya turizmi inkişaf etdirəcəklər. Ölkənin 100 milyonlarla manat pulu xərclənir, Bakı sakinlərinin rahatlığı pozulur, turist isə gəlmir ki, gəlmir.
