Dövlət Statistika Komitəsinin hesabatına görə, 2022-ci il mayın 1-nə Azərbaycanda 4 milyon 998,6 min nəfər məşğul şəxs, 314,9 min nəfər işsiz qeydə alınıb.

İlin ilk rübü ərzində 16,5 min yeni iş yerinin açıldığı, 1,7 min iş yerinin bağlandığı vurğulanır.

Aprelin 1-nə muzdlu işçilərin orta aylıq nominal əməkhaqqı 809 manat göstərilir. Novator.az bildirir ki, iqtisadi fəaliyyət növləri üzrə orta maaş belə rəsmiləşib:

mədən sənayesi – 3488 manat;

maliyyə və sığorta fəaliyyəti – 1857,1 manat;

informasiya və rabitə – 1337,5 manat;

peşə fəaliyyəti, elmi və texniki fəaliyyət – 1299,1 manat;

dövlət idarəetməsi və müdafiə; sosial təminat – 1079,6 manat;

nəqliyyat və anbar təsərrüfatı – 1038,2 manat;

tikinti – 996 manat;

elektrik enerjisi, qaz və buxar istehsalı, bölüşdürülməsi və təchizatı – 879,8 manat;

emal sənayesi – 762 manat;

daşınmaz əmlakla əlaqədar əməliyyatlar – 720,6 manat;

əhaliyə səhiyyə xidməti və sosial xidmətlərin göstərilməsi – 669 manat;

turistlərin yerləşdirilməsi və ictimai iaşə – 642 manat;

su təchizatı, tullantıların təmizlənməsi və emalı – 641,1 manat;

istirahət, əyləncə və incəsənət sahəsində fəaliyyət – 622,2 manat;

təhsil – 622 manat;

ticarət; nəqliyyat vasitələrinin təmiri – 561,6 manat;

inzibati və yardımçı xidmətlərin göstərilməsi – 478,4 manat;

kənd təsərrüfatı, meşə təsərrüfatı və balıqçılıq – 477,2 manat;

digər sahələrdə xidmətlərin göstərilməsi – 821,8 manat.

Ölkədə minimum aylıq əməkhaqqı 300 manatdır.