Acizlik, cılızlıq
Arif Hacılı
Müsavat Partiyasının başqanı
1990-1995-ci illərin parlamenti Azərbaycanın dövlət müstəqilliyinin bərpası, ordunun, sərhəd qoşunlarının, gömrük, vergi sisteminin yaradılması, üçrəngli bayrağın, himnin, gerbin dönüşü, milli valyutanın təsisi, siyasi partiyalar, mətbuat, sərbəst toplaşmaq azadlığı barədə qanunları və başqa mühüm qanun və qərarları qəbul edən parlamentdir. Azərbaycanın qanunverici orqanında ondan əvvəl 70 il, ondan sonra 30 ilədək müddətdə belə mühüm sənədlər qəbul edilməyib.
Azərbaycan hakimiyyəti azadlıq hərəkatı liderlərinin, istiqlalçı millət vəkillərinin haqqını tanımamaq, Azərbaycan tarixi qarşısında xidmətlərini danmaq məqsədilə 1990-1995-ci illərin parlamentinin mövcudluğunu ümumiyyətlə danmaq istəyir.
Sovet dövrünün raykom işçilərinə dövlət qulluqçusu pensiyası verildiyi halda qanuna, ədalət prinsiplərinə tam zidd olaraq həmin parlamentin üzvlərinə deputat pensiyası verilmir.
1992-1993-cü illərdə parlamentin sədri, həmin vaxt bir ay dövlət başçısı olmuş İsa Qəmbərə 180 manat müavinət təyin edilməsi hətta bu hakimiyyət üçün əndazəni aşan qərardır. Bu, cəmiyyət daxilində ayrı-seçkilik, siyasi rəqiblərə qarşı düşmənçilik siyasətidir.
Acizlikdir, cılızlıqdır.
