Koronavirus statistikası
Aprelin 27-nə olan beynəlxalq statistikaya görə, koronavirus infeksiyası 220 ölkə, ərazi və məkanda 6 milyon 250 minə yaxın adamın ölümünə gətirib. Novator.az bildirir ki, yaxın ölkələr arasında ən çox Rusiya itki verib: 375237 nəfər.
İranda 141024, Ukraynada 108343, Türkiyədə 98720 ölüm qeydə alınıb.
Gürcüstanda 16800, Qazaxıstanda 13660, Moldovada 11489, Litvada 9079, Ermənistanda 8622, Belarusda 6931, Latviyada 5755, Qırğızıstanda 2991, Estoniyada 2533 nəfər koronavirusa qurban gedib.
Özbəkistanda infeksiya 1637, Tacikistanda 124 nəfərin həyatına son qoyub.
2019-cu ilin dekabrında Çində üzə çıxan yeni növ koronavirus infeksiyasına Azərbaycanda ilk yoluxma 2020-ci il fevralın 28-də rəsmiləşib. Milli hesabata əsasən, ümumilikdə 792521 nəfər koronavirusa yoluxub, onların 9707-si vəfat edib.
