UEFA Çempionlar Liqasının 2021-2022 mövsümündə yarımfinal xokkey havasında start götürüb: aprelin 26-da keçirilmiş “Mançester Siti” – “Real” oyununda 4:3 hesabı qeydə alınıb.

“Liverpul” – “Vilyarreal” matçı aprelin 27-nə təyin olunub.

Novator.az bildirir ki, 1955-ci ildən keçirilən, 1991-ci ilə qədər Çempionlar kuboku adlanmış turnirdə 22 komandanın zəfəri var. “Real” 13, “Milan” 7, “Bavariya”, “Liverpul” 6, “Barselona” 5, “Ayaks” 4, “İnter” (İtaliya), “Mançester Yunayted” 3, “Benfika”, “Nottingem Forest”, “Yuventus”, “Portu”, “Çelsi” 2, “Seltik”, “Feyenoord”, “Aston Villa”, “Hamburq”, “Styaua”, PSV, “Srvena Zvezda”, “Marsel”, “Borussiya” (Dortmund) 1 titula sahibdir.

2021-2022 mövsümünün finalına mayın 28-də Paris ev sahibliyi edəcək.