Fəlakətdən mümkün çıxış yolları
Natiq Cəfərli
REAL Partiyası
Rusiyanın Ukraynaya total təcavüzünün yaratdığı pat vəziyyətindən çıxış yolu lazımdır. Mümkün variantlara nəzər salaq.
Rusiya nəyə qane olur?
Ukrayna NATO-ya daxil olmaq fikrindın vaz keçir, neytral ölkə statusu alır.
Krım Rusiya torpağı kimi tanınır.
Donetsk və Luqansk rejimləri total müharibədən əvvəlki “sərhədlərində” qalır, bu ərazilərdən Krıma quru yol verilir. Krıma verilən su kəsilmir.
Azov dənizində Ukraynanın hərbi gəmiləri və infrastrukturu olmur.
Ukrayna nəyə qane olur?
Ukraynanın Avropa Birliyinə üzv olmasına zəmanət verilir, neytral status ölkənin suverenliyinə beynəlxalq zəmanət əsasında qəbul edilir.
Avropa Birliyi və ABŞ Ukraynanı dirçəltmək planı qəbul edir, uzağı 8 ilə Ukrayna güclü inkişaf edən, sosial vəziyyəti çox yaxşı olan ölkəyə çevrilir, bunun üçün əsas maliyyə qaynağı elə Rusiyanın dondurulan və müsadirə ediləcək vəsaiti olur
Qərb nəyə qane olur?
Rusiya işğalı dayandırır, atəşkəs elan olunur.
Kreml ancaq Donetsk və Luqansk rejimləri əraziləri ilə kifayətlənib ora çəkilirsə, məsələn, Rusiya Mərkəzi Bankının dondurulmuş vəsaitinin bir qismi geri qaytarılır.
Ukrayna neytral status alır, amma Avropa Birliyi üzvü kimi ikitərəfli müqavilələrlə (Avstriya, Finlandiya, İsveç kimi) öz təhlükəsizliyi üçün zəmanətə nail olur.
Uzun izolyasiya nəticəsində Rusiyada ya saray çevrilişi olur, ya da ölkə müqavimət göstərməyə qadir olmayacaq qədər zəifləyir.
Emosiyasız düşünsək, bu müharibədə Rusiyanın klassik anlamda qalib gəlməsi mümkün olmadığı kimi məğlub olması da mümkün deyil. Pat vəziyyətidir, çıxış yolu qarşılıqlı güzəştlərdir.
Amma Rusiya Ukraynanı, bu xalqı ömürlük itirdi, bütün körpüləri sözün hər mənasında yandırdı. Uzun, geosiyasi və iqtisadi anlamda Rusiyanın total məğlubiyyəti qaçılmazdır…
Müəllifin başqa yazıları:
Sivil toplum, toplumla sivil davranış
Qiymət artımının sirr olmayan sirri
Siyasətdə sualtı qayıq taktikası
Vüsal Qasımlının müsahibəsinə qeydlər
Qiymət artımının əsas səbəbkarı
