Söz və əməl
Müsavat Partiyasının başqanı Arif Hacılı “Media haqqında” qanunun rəsmiləşməsinə münasibət bildirib. Novator.az-ın məlumatına görə, siyasətçi prezident İlham Əliyevin cəmiyyətdə narazılıqla qarşılanan, hakimiyyətə yaxın olmayan əksər media nümayəndələrinin, nüfuzlu beynəlxalq qurumların yenidən baxılmasını tələb etdiyi layihəni imzalamasını pisləyib. O, “Sərhədsiz reportyorlar” beynəlxalq təşkilatının media azadlığı hesabatında Azərbaycanın 180 ölkə arasında 167-ci yerdə olduğunu vurğulayıb: “Görünür, hakimiyyəti bu qədər ağır mənzərə də qane etmir. Yeni qanun ölkədə onsuz da ağır durumda olan söz və ifadə azadlığının vəziyyətini daha da pisləşdirəcək, sosial media da daxil olmaqla bütün media sektorunu nəzarətdə saxlamaq üçün dövlət qurumlarına xüsusi səlahiyyətlər verəcək, jurnalistlərin işini həddən artıq çətinləşdirəcək, media qurumlarının maliyyə və hüquqi fəaliyyətini məhdudlaşdıracaq.
İlham Əliyev Avropa İttifaqı ilə Azərbaycan arasında əməkdaşlığın yeni mərhələyə keçdiyini deyir. Amma beynəlxalq qurumlar qarşısında götürülən öhdəliklərə əməl etməyən, Avropa Şurasının insan hüquqları komissarının çağırışına məhəl qoymayan, ATƏT in fundamental insan haqlarına dair tələb və tövsiyələrinə rişxəndlə yanaşan bir hakimiyyət Azərbaycanın sivil dünya, həmçinin Avropa İttifaqı ilə normal münasibətlər qurmasına nail ola bilməz”.
Prezident İlham Əliyev “Media haqqında” qanun layihəsini fevralın 8-də imzalayaraq onun tətbiqinə fərman verib.
2021-ci il dekabrın 10-da üzə çıxmış layihə Milli Məclisin son oxunuşundan dekabrın 30-da keçmişdi.
Yerli və xarici tənqidçilər media qanunu layihəsinin geniş və məzmunlu məsləhətləşmələr aparılmadan qəbul edilməsindən narahatlıq ifadə edirdi. Onların fikrincə, layihə insan hüquqları, ifadə azadlığı və kütləvi informasiya vasitələri azadlığı sahəsində beynəlxalq standartlara uyğun deyil, media sahəsini və jurnalist peşəsini həddindən artıq çox tənzimləyir, hakimiyyət orqanlarına lisenziyalaşdırma yolu ilə jurnalistlərin işini məhdudlaşdırmaq səlahiyyəti verir, həmçinin media şirkətlərinin və təşkilatlarının maliyyə fəaliyyətinə, hüquqi fəaliyyətinə və əməliyyat fəaliyyətinə məhdudiyyətlər tətbiq etməyə yol açır.
“Media haqqında” qanunun qeyri-rəsmi layihəsi
Media qanunu ilk oxunuşda (Rəsmi layihə)
Xalq Partiyası media qanunu layihəsinə qarşı çıxdı
Media qanunu: layihəni geri çəkmək təklif olunur
Media qanunu: reaksiyalara reaksiya verildi
Media qanunu: 8 partiyadan çağırış gəldi
Media qanunu: bir razılaşma var
Media qanununa yazılı təkliflər
Media qanunu: son oxunuş neçə maddəyə əl gəzdirir?
“Media qanunu qəbul olunsa da…”
Media qanunu son mərhələyə yön aldı
Media qanunu: imza üçün nə qədər vaxt var?
Prezidentdən layihəni geri qaytarmaq xahiş olunur
