Beş ilin və bir ayın populyar adları
Son beş ilin ən populyar adları Zəhra və Yusifdir. Novator.az Ədliyyə Nazirliyinə istinadla bildirir ki, 2018-2022-ci illərdə Azərbaycanda doğulmuş 8594 qıza Zəhra, 8551 oğlana Yusif adı verilib.
2022-ci ilin populyar oğlan adları siyahısına isə Hüseyn adı başçılıq edir. Yanvar ayında bu adı 29 uşaq alıb.
İlk onluqda Yusif (25 uşaq), Uğur (18), Əli (17), Ömər və Ayxan (14), Murad (13), Adəm (12), İbrahim və Ümid (11) adları da var.
Yanvarda ən çox qoyulan qız adı Aylindir: 24 uşaq.
Dəniz adı ikinci (19 uşaq), Məryəm adı üçüncü (17) sıradadır.
Zeynəb və Zəhra adlarını 16, Nilay və Fatimə adlarını 15, Nuray adını 14, Ayla və İnci adlarını 13 qız alıb.
