Naxçıvan Muxtar Respublikasının Dövlət Statistika Komitəsi illik hesabat yayıb. Novator.az bildirir ki, rəsmi məlumata görə, 2021-ci ildə muxtar respublikada 3 milyard 16,3 milyon manatlıq (2020-ci ilə nəzərən 2,4 faiz çox) ümumi daxili məhsul istehsal olunub.

Hər bir nəfərə düşən ümumi daxili məhsul 6525 manat göstərilir.

Hesabata əsasən, 2020-ci illə müqayisədə sənaye məhsulu 1,7 faiz, sərmayə qoyuluşu 2 faiz, kənd təsərrüfatı məhsulu 5,3 faiz, nəqliyyat sektorunda yük daşınması 0,9 faiz, informasiya və rabitə xidmətləri 6,9 faiz, pərakəndə əmtəə dövriyyəsi 2,1 faiz, əhaliyə göstərilən ödənişli xidmətlər 1,8 faiz artıb.