Avstriya prezidenti Aleksandr Van der Bellen dekabrın 6-da Xalq Partiyasının sədri Karl Nehammeri hökumət başçısı – kansler təyin edib.
Novator.az bildirir ki, Avstriyada hökumət parlamentin 183 yerlik aşağı palatasına seçkinin nəticələri əsasında formalaşır.
2019-cu il sentyabrın 29-da keçirilmiş son parlament seçkisində qalib gələn Xalq Partiyası Yaşıllar Partiyası ilə koalisiya qurub. 2020-ci il yanvarın 7-də fəaliyyətə başlayan hökumətə Xalq Partiyasının sədri Sebastyan Kurts kanslerlik edib.
2021-ci il oktyabrın 9-da Sebastyan Kurts istefa verib.
Oktyabrın 11-də Xalq Partiyasının təmsilçisi Aleksandr Şallenberq kansler postuna gətirilib.
Dekabrın 2-də Sebastyan Kurts Xalq Partiyasının sədri postundan ayrıldığını, siyasətdən getdiyini bəyan edib. Həmin gün Aleksandr Şallenberq kanslerlikdən istefa verib. O deyib ki, Xalq Partiyasının lideri olmaq fikri yoxdur, partiya sədri postunu tutan şəxsin isə həm də kansler olması, hakimiyyətin bir əldə cəmlənməsi lazımdır.
Dekabrın 3-də Xalq Partiyasının Rəyasət Heyəti Karl Nehammeri qurumun sədri təyin edib və kansler postuna namizəd göstərib.
1972-ci il təvəllüdlü Karl Nehammer 2020-ci il yanvarın 7-dən daxili işlər naziri vəzifəsində çalışıb.
31 yaşlı lider hakimiyyətə gəlir
Yeni hökumət və onun başçısı and içdi
Postunu itirən kansler müvəqqəti hökumətə yiyə durmur
Sabiq hökumət başçısı seçkini uddu
Avstriya hökumətinin başçısı istefa verdi
