31 yaşlı xarici işlər naziri Sebastyan Kurtsun liderlik etdiyi Xalq Partiyası oktyabrın 15-i Avstriyada keçirilmiş parlament seçkisinin qalibi olub. Novator.az bildirir ki, ilkin nəticələrə görə, Xalq Partiyası 31,6 faiz səs yığaraq 183 yerlik parlamentə 62 mandat əldə edir.
Xalq Partiyası ilə hakimiyyət ortağı olan Sosial Demokrat Partiyası 26,9 faiz səslə ikinci yerdə gedir (52 mandat). Bu partiyanın lideri Kristian Kern hazırda hökumət başçısı – kansler postunu tutur.
Millətçi Azadlıq Partiyasının 26 faiz səs yığdığı bildirilir (51 mandat).
İlkin nəticələrə əsasən, liberallar (10 mandat) və Peter Pilsin Siyahısı adlanan yeni partiya da (8 mandat) parlamentin aşağı palatası olan Milli Şuraya düşür.
