Avstriyada sentyabrın 29-da keçirilmiş növbədənkənar parlament seçkisinin ilkin nəticələri açıqlanıb. Novator.az-ın məlumatına görə, 1986-cı il təvəllüdlü sabiq kansler Sebastyan Kurtsun Xalq Partiyası önə çıxaraq 183 yerlik aşağı palatada 73 mandat əldə edib.
Sosial Demokrat Partiyasının Milli Şuraya 41, Azadlıq Partiyasının 32, Yaşıllar Partiyasının 23, Yeni Avstriya Partiyasının 14 mandatla düşdüyü bildirilir.
2017-ci il oktyabrın 15-də keçirilmiş parlament seçkisini Xalq Partiyası udaraq Azadlıq Partiyası ilə koalisiya qurub. Kansler postunu Xalq Partiyasının lideri Sebastyan Kurts, kansler müavini postunu Azadlıq Partiyasının lideri Hayns-Kristian Ştraxe tutub.
Avstriya Azadlıq Partiyası millətçiliyi, Avropa inteqrasiyasına, köçkünlərə qarşı radikal münasibəti ilə tanınır. Bu ilin mayında partiya liderinin 2017-ci il seçkisində Rusiyadan maliyyə yardımı istəməsinə dair video yayılıb. Bundan sonra Hayns-Kristian Ştraxe istefa verib və koalisiya dağılıb, parlament hökumətə etimadsızlıq göstərib. Avstriya prezidenti Aleksandr Van der Bellen mayın 28-də hökuməti istefaya göndərib.
Hazırda kansler postunu Bricit Birlayn tutur.
