Hansı model?
Natiq Cəfərli
Aqrar sektorun ölkə üçün çıxış yolu, Azərbaycanın gələcəyinin təminatı olduğunu iddia edənlərin nəzərinə: 2021-ci ilin yanvar-sentyabr aylarında Azərbaycandan 128,2 milyon dollar dəyərində 119,1 min ton pomidor ixrac olunub. Bir kiloqram pomidoru 1 dollar 6 sentə (1 manat 80 qəpiyə) satmışıq.
Bu günlərdə Azərbaycanda satışa çıxarılan “Ayfon 13” mobil telefonunun qiyməti 4000-4200 manat, yəni 2400-2500 dollar olub. Bir “Ayfon” almaq üçün 2 ton 500 kiloqram pomidor istehsal edib satmaq lazımdır.
Pomidorun əziyyətlə başa gəldiyini, ona aylarla əmək sərf edildiyini bilirik, amma bir “Ayfon”un istehsalı (yığılması) üçün 46 saniyə lazımdır. Yəni biz doqquz ayda 120 min tona yaxın pomidor satmışıq, əvəzində 50 min “Ayfon 13” alacağıq. Belə primitiv sistem və iqtisadiyyat var.
Aqrar sektorun neft sektorundan gəliri əvəz etməsi üçün kənd təsərrüfatının istehsalı 25 dəfə (!!!) artmalıdır. Bu isə torpaq, su, elmi yanaşma problemlərinə görə mümkün deyil.
Kənd təsərrüfatı vacibdir, amma çıxış yolu deyil, çıxış yolu elmə əsaslanan, azad rəqabətə söykənən, dövlətin maneçiliyi olmayan, azad məhkəmədən güc alan iqtisadi modeldir.
Müəllifin başqa yazıları:
Sivil toplum, toplumla sivil davranış
Qiymət artımının sirr olmayan sirri
Siyasətdə sualtı qayıq taktikası
Vüsal Qasımlının müsahibəsinə qeydlər
Qiymət artımının əsas səbəbkarı
Nazirin istəyi, zəruri qeydlər
