2021-ci ilin yanvar-may aylarında Azərbaycanda doğulmuş qız uşaqlarına ən çox Zəhra adı qoyulub. Novator.az Ədliyyə Nazirliyinin rəsmi saytına istinadla bildirir ki, beş ayda 567 qız uşağı Zəhra adı alıb.
462 qıza Zeynəb adı, 417 qıza Aylin adı verilib.
Populyar adların ilk onluğunda Mələk (412 uşaq), Məryəm (411), Fatimə (395), Nilay (345), Nuray (309), İnci (292), Mədinə (259) adları da var.
Oğlan adları içində Əli birincidir: bu ad yanvar-may aylarında 537 oğlana qoyulub. Digər populyar oğlan adları belə sıralanır:
Hüseyn – 507 uşaq
Yusif – 504
Uğur – 498
Məhəmməd – 361
Ömər – 322
Murad – 295
Raul – 229
Ayxan – 221
Tunar – 216.
