Beynəlxalq statistikaya görə, 221 ölkə, ərazi və məkanda koronavirus infeksiyasına 142,7 milyondan çox yoluxma qeydə alınıb. Azərbaycan 301661 yoluxma ilə 51-ci yerdədir.

202 ölkə, ərazi və məkanda 3 milyon 43,5 mindən çox adam infeksiyanın qurbanı olub. Azərbaycan itki sarıdan 59-cu yerdə göstərilir. Son hesabata əsasən, ölkədə 4169 koronavirus xəstəsi vəfat edib.

Novator.az bildirir ki, yaxın ölkələr arasında ən çox Rusiya itki verib: 105928 nəfər.

İranda 67130, Ukraynada 40367, Türkiyədə 36267, Moldovada 5591 ölüm rəsmiləşib.

Gürcüstan 3949, Ermənistan 3895, Litva 3770, Qazaxıstan 3436, Belarus 2433, Latviya 2056, Qırğızıstan 1555, Estoniya 1100, Özbəkistan 639, Tacikistan 90 nəfər itirib.

2019-cu ilin dekabrında Çində üzə çıxan koronavirus infeksiyasına Azərbaycanda ilk yoluxma 2020-ci il fevralın 28-də, infeksiyadan ilk ölüm martın 12-də elan edilib.

2020-ci ildə ölkədə 218700 nəfər koronavirus infeksiyasına yoluxub, onların 2641-i dünyasını dəyişib.

2021-ci ilin yanvarında 11519 yoluxma, 491 ölüm; fevralında 4318 yoluxma, 88 ölüm; martında 27176 yoluxma, 347 ölüm olub.

Aprelin 19 günündə 39948 yoluxma, 602 ölüm qeydə alınıb.