Nikahlar 45,3 faiz azalıb
Azərbaycan əhalisinin sayı 2020-ci il dekabrın 1-nə 10 milyon 123 min 400 nəfərə çatıb. Hesabatı yayan Dövlət Statistika Komitəsi bildirir ki, ötən ilin yanvar-noyabr aylarında 116454 doğulan körpə qeydə alınıb: onların 53,3 faizi oğlandır.
11 ayda 61147 ölümün, 32437 nikahın, 13439 boşanmanın, daimi yaşamaq üçün 1516 nəfər gələnin, 531 nəfər gedənin rəsmiləşdiyi vurğulanır.
Novator.az bildirir ki, statistikaya əsasən, 2019-cu ilin yanvar-noyabr ayları ilə müqayisədə doğum 10,6 faiz, nikahlar 45,3 faiz, boşanma 11,8 faiz azalıb, ölüm halları 19,6 faiz artıb. Əhalinin təbii artımı (doğulanlar və ölənlərin nisbəti) üzrə 30,2 faiz geriləmə var.
