İl Nizami Gəncəvi ili oldu
2021-ci il Azərbaycanda Nizami Gəncəvi ili elan olunub. Prezident İlham Əliyev sərəncamı yanvarın 5-də imzalayıb.
Dövlət başçısı qərarını 2021-ci ildə şair və mütəfəkkir Nizami Gəncəvinin 880 illiyinin tamam olması, qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının bəşər mədəniyyətinin nailiyyəti kimi müstəsna əhəmiyyəti ilə əsaslandırıb.
Prezident sərəncamları ilə 2007-ci il gənclər ili, 2009-cu il uşaq ili, 2010-cu il ekologiya ili, 2011-ci il turizm ili, 2012-ci il idman ili, 2013-cü il informasiya-kommunikasiya texnologiyaları ili, 2014-cü il sənaye ili, 2015-ci il kənd təsərrüfatı ili, 2016-cı il multikulturalizm ili, 2017-ci il islam həmrəyliyi ili, 2018-ci il Azərbaycan Xalq Cümhuriyyəti ili, 2019-cu il Nəsimi ili, 2020-ci il könüllülər ili elan edilmişdi.
