Əli İldırımoğlu vəfat edib
Əməkdar jurnalist, yazıçı-publisist Əli İldırımoğlu vəfat edib.
Əli İldırımoğlu (Əli İldırım oğlu Məmişov) 1927-ci il noyabrın 17-də indiki Qubadlı rayonunun Əliquluuşağı kəndində doğulub.
Jurnalist fəaliyyətinə Qubadlıda çıxan “Avanqard” rayon qəzetində məsul katib kimi başlayıb, həmin nəşrə redaktorluq eləyib.
1955-1990-ci illərdə “Kommunist” qəzetinin (indiki “Xalq qəzeti”) xüsusi müxbiri olub, Naxçıvan, Qarabağ, Dağlıq Qarabağ, Mil-Muğan. Sumqayıt-Quba zonaları üzrə fəaliyyət göstərib.
1990-1992-cı illərdə “Həyat” qəzetində (indiki “Azərbaycan” qəzeti) çalışıb.
Oçerk, felyeton, hekayə, povest və romanların müəllifidir.
“Şöhrət” ordeni laureatıdır.
Allah rəhmət eləsin!
