Ermənistan: hökumətin Konstitusiya Məhkəməsi davası bitir
Ermənistan parlamenti sentyabrın 15-də Konstitusiya Məhkəməsinin üç hakimini seçib. Novator.az-ın məlumatına görə, gizli səsvermədə hökumətin namizədi Edqar Şatiryan, prezidentin namizədi Artur Vaqarşyan və Hakimlərin Ümumi Şurasının namizədi Yervand Xundkaryan Konstitusiya Məhkəməsinə təyinat alıblar.
Müxalif fraksiyalar – Çiçəklənən Ermənistan və İşıqlı Ermənistan partiyalarının deputatları səsverməni boykot edib. Onlar Konstitusiya Məhkəməsi ətrafında aylardır davam edən prosesi antidemokratik və ana qanuna zidd sayır.
Parlamentdə çoxluq əksəriyyəti baş nazir Nikol Paşinyanın Vətəndaş Sazişi Partiyasının üzvü olan “Mənim addımım” blokunun əlindədir. Uzun müddət Konstitusiya Məhkəməsi ilə Ermənistan hökuməti arasında ziddiyyətlər yaşanıb. Konstitusiya Məhkəməsinin tərkibini yeniləmək üçün bu il aprelin 5-nə referendum təyin olunub, ancaq koronavirus pandemiyası buna imkan verməyib.
İyunun 3-də parlament referendumun ləğvi və ümumxalq səsverməsinə çıxarılan məsələnin həllinin ali qanunverici orqana ötürülməsini nəzərdə tutan layihəni qəbul edib.
İyunun 22-də parlament konstitusiyanın 213-cü maddəsinin dəyişməsinə səs verib.
İyunun 23-də prezident Armen Sərkisyan 3 və 22 iyun layihələrini imzalayıb, iyunun 26-da ana qanun dəyişikliyi rəsmiləşib, 12 ildən artıq Konstitusiya Məhkəməsinin hakimi olmuş Qrant Nazaryan, Feliks Toxyan, Alvina Gülumyanın səlahiyyətlərinə və 2018-ci ildən quruma başçılıq edən Qrayr Tovmasyanın sədrliyinə xitam verilib.
Ermənistan niyə referenduma gedir?
Referendumun qrafiki bəlli oldu
Ermənistan parlamenti yeni səlahiyyət əldə etdi
