İqtisadi Şura yaradıldı
Azərbaycan Respublikasının İqtisadi Şurası yaradılıb. Prezident İlham Əliyevin 9 sentyabr fərmanı ilə şuranın sədrliyi baş nazirə həvalə olunub.
Üzvlər belə müəyyən edilib:
prezidentin köməkçisi-iqtisadi məsələlər və innovativ inkişaf siyasəti şöbəsinin müdiri
prezidentin köməkçisi-iqtisadi siyasət və sənaye məsələləri şöbəsinin müdiri
birinci vitse-prezidentin iki köməkçisi
iqtisadiyyat naziri
maliyyə naziri
əmək və əhalinin sosial müdafiəsi naziri
Mərkəzi Bankın sədri
Dövlət Neft Fondunun icraçı direktoru.
Şuranın Katibliyin funksiyasının həyata keçirilməsi Mərkəzi Banka tövsiyə olunub.
Şuraya cari və ortamüddətli dövr üçün iqtisadi siyasətin formalaşmasına, habelə ölkə iqtisadiyyatında yarana biləcək daxili və xarici təsirlərin qarşısının alınmasına yönəlmiş qabaqlayıcı tədbirlərin görülməsi məqsədilə islahatların və iqtisadi siyasətin istiqamətinin müəyyən edilməsinə dair təkliflər hazırlamaq tapşırılıb.
