Karantin yenilikləri
Nazirlər Kabineti Azərbaycanda koronavirus infeksiyasını cilovlamaq üçün tətbiq olunan xüsusi karantin rejimini sentyabrın 30-dək uzadıb.
Qərara əsasən, avqustun 31-dən ölkədə muzeylərin və sərgi zallarının fəaliyyətinə; 10 nəfərədək qruplarda fərdi tədris və repetitor xidmətlərinə icazə verilir.
Kütləvi tədbirlərin, toy, nişan və bu kimi şənlik məclislərinin təşkilinə; əyləncə məkanlarının, kinoteatrların, teatrların, idman zallarının fəaliyyətinə; dəfn istisna olmaqla yas mərasimlərinin təşkilinə qadağa qalır. Həmçinin yük daşımaları istisna olmaqla ölkə ərazisinə giriş-çıxış; xüsusi təyinatlı, o cümlədən təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla Bakı, Sumqayıt, Gəncə, Lənkəran şəhərlərinə və Abşeron rayonuna giriş-çıxış və ölkənin digər şəhər və sərnişin daşımaq; tibb müəssisələrində müalicə alan şəxslərin ziyarəti; idman, sağlamlıq-bərpa üzrə xidmətlər, masaj və hamam xidmətləri yasaqdır.
Bakı, Sumqayıt şəhərləri və Abşeron rayonunda sərt karantin rejimi davam edir. Bu rejim çərçivəsində iri ticarət mərkəzləri qapadılıb, ictimai iaşə obyektlərində müştərilərə yalnız açıq hava şəraitində xidmət mümkündür, Bakı metrosu işləmir.
Sərt karantin zonasında həftə sonları bu tarixlərdə ictimai nəqliyyat fəaliyyət göstərməyəcək: 5-6 sentyabr; 12-13 sentyabr; 19-20 sentyabr; 26-27 sentyabr.
2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də qeydə alınıb. Avqustun 28-dək 35986 nəfər yoluxub: onların 33461-i müalicə olunaraq sağalıb, 527-si vəfat edib, 1998-i aktiv xəstədir.
Hökumət təhsil müəssisələrini bir həftəliyə bağladı
Novruz şənlikləri ləğv olundu. Toy və yas tövsiyəsi
Azərbaycanda ilk itki, yeni məhdudiyyətlər
Operativ qərargahdan məhdudiyyətlər
Bakı, Sumqayıt şəhərləri, Abşeron rayonu qapadılır
Ölkədə 15 günlük yeni məhdudiyyətlər tətbiq olundu
Karantini yumşaltmaq qərarı verildi
Karantin uzadıldı, şərtlər yeniləndi
Yeni qərar: karantin necə yumşaldılır?
Koronavirus: karantin yenilikləri, rəsmi hesabat
Yoluxma və itki artır, qadağalar gəlir
Operativ qərargah yeni qərar qəbul edib
Karantin uzadılır, yenə yasaqlar gəlir
İcazəni tək SMS-lə deyil, “E-Təbib”lə də almaq mümkün olacaq
Cərimə artımları qüvvəyə mindi
Karantin sərtləşir və genişlənir
