Nazirlər Kabineti yanında operativ qərargahın 9 avqust məlumatına görə, Azərbaycanda daha 87 nəfər koronavirus infeksiyasına yoluxub, 2 xəstə vəfat edib.

Yoluxanların ümumi sayı 33568 nəfər göstərilir: onların 30364-ü müalicə olunaraq sağalıb, 490-ı dünyasını dəyişib, 2714-ü aktiv xəstədir.

2019-cu ilin dekabrında Çində üzə çıxaraq dünyanı bürüyən koronavirus xəstəliyinə Azərbaycanda ilk yoluxma bu il fevralın 28-də bəyan edilib, ay ümumilikdə 3 yoluxma ilə bitib.

Novator.az bildirir ki, martda 295 yoluxma, 5 ölüm; apreldə 1506 yoluxma, 19 ölüm; mayda 3690 yoluxma, 39 ölüm; iyunda 12030 yoluxma, 150 ölüm; iyulda 14354 yoluxma, 235 ölüm rəsmiləşib.

Avqustun ilk 9 günündə 1690 yoluxma, 42 ölüm qeydə alınıb.