UEFA Çempionlar Liqasının 2019-2020 mövsümünü udan klub 2020-2021 turnirinin qrup raunduna vəsiqə alır. Novator.az bildirir ki, indiki mövsümdə mübarizəni davam etdirən klublardan “Lion” (Fransa) və “Napoli” (İtaliya) qalib olmasa, yeni turnirdə qrup mərhələsinə vəsiqə Niderland təmsilçisi “Ayaks”a veriləcək.
UEFA Avropa Liqasında 2019-2020 mövsümünün qalibi də Çempionlar Liqasının 2020-2021 turnirinin qrup mərhələsinə buraxılacaq. İndiki mövsümdə yarışan komandalardan “Bayer”, “Volfsburq” (Almaniya), “Ayntraxt” (Frankfurt, Almaniya), “Bazel” (İsveçrə), LASK (Avstriya), “Kopenhagen” (Danimarka), “Xetafe” (İspaniya), “Reyncers” (Şotlandiya), “Olimpiakos” (Yunanıstan), “Vulverhempton”, (İngiltərə) və “Roma”nın (İtaliya) qalib olmayacağı halda qrup mərhələsinə vəsiqə Fransa təmsilçisi “Renn”ə qismət olacaq.
Çempionlar Liqasının 2020-2021 mövsümünə qrup mərhələsindən (20 oktyabr-9 dekabr) başlayacaq 24 klubun adı bəllidir: İspaniyadan “Real”, “Barselona”, “Atletiko”, “Sevilya”, İngiltərədən “Liverpul”, “Mançester Siti”, “Mançester Yunayted”, “Çelsi”, İtaliyadan “Yuventus”, “İnter”, “Atalanta”, “Latsio”, Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah), Fransadan PSJ, “Marsel”, Rusiyadan “Zenit”, “Lokomotiv” (Moskva), Portuqaliyadan “Portu”, Belçikadan “Brügge”, Ukraynadan “Şaxtyor”, Türkiyədən “Başakşəhər”.
Turnirin ilkin, birinci, ikinci, üçüncü mərhələləri tək, dördüncü mərhələsi cüt oyunlardan ibarətdir.
İlkin raundda (8-11 avqust) Şimali İrlandiyadan “Linfild”, Kosovodan “Drita” Andorradan “İnter”, San Marinodan “Tre Fiori” yarışır.
Birinci mərhələyə (18-19 avqust) Kiprdən “Omoniya”, Serbiyadan “Srvena Zvezda”, Şotlandiyadan “Seltik”, Belarusdan “Dinamo” (Brest), İsveçdən “Yurqorden”, Norveçdən “Molde”, Qazaxıstandan “Astana”, Polşadan “Legiya”, Azərbaycandan “Qarabağ”, İsraildən “Makkabi” (Tel-Əviv), Bolqarıstandan “Ludoqorets”, Slovakiyadan “Slovan”, Sloveniyadan “Selye”, Macarıstandan “Ferensvaroş”, Şimali Makedoniyadan “Sileks”, Moldovadan “Şerif”, Albaniyadan “Tirana”, İrlandiyadan “Dandolk”, Finlandiyadan KuPS, İslandiyadan “Reykyavik”, Bosniyadan “Sarayevo”, Litvadan “Suduva”, Latviyadan “Riqa”, Lüksemburqdan “Fola”, Ermənistandan “Ararat-Armenia”, Maltadan “Floriana”, Estoniyadan “Flora”, Gürcüstandan “Dinamo” (Tbilisi), Uelsdən “Konnah Kuey”, Monteneqrodan “Buduçnost”, Farer adalarından “Klaksvik”, Cəbəllütariqdən “Europa” vəsiqə alıb.
“Qarabağ”a bu mərhələdə “Fola”, “Yurqorden”, “Buduçnost”, “Flora”, “Dinamo” (Brest), “Riqa”, “Konnah Kuey”, “Klaksvik”, “Europa”, “Selye”, KuPS, “Reykyavik”, “Tirana”, “Sileks”, “Floriana” komandaları qismət ola bilər.
Rumıniya çempionu da birinci mərhələdə yer alacaq.
İkinci mərhələdə (25-26 avqust) Türkiyədən “Beşiktaş”, Niderlanddan “Alkmaar”, Avstriyadan “Rapid”, Çexiyadan “Viktoriya”, Yunanıstandan PAOK, Xorvatiyadan “Dinamo”, “Lokomotiva”, Danimarkadan “Midtülland”, İsveçrədən “Yanq Boyz” var.
Üçüncü mərhələyə (15-16 sentyabr) Fransadan “Renn”, Rusiyadan “Krasnodar”, Portuqaliyadan “Benfika”, Belçikadan “Gent”, Ukraynadan “Dinamo”, Çexiyadan “Slaviya”, Yunanıstandan “Olimpiakos” giriş əldə edib.
Dördüncü mərhələyə (22-29 sentyabr) Niderlanddan “Ayaks”, Avstriyadan “Zalsburq” ad yazdırıb.
