Populyar adların yeni statistikası
Novator.az 2020-ci ilin yeddi ayında Azərbaycanda doğulmuş uşaqlara qoyulan populyar adların siyahısını təqdim edir.
Ədliyyə Nazirliyinin açıqladığı rəsmi statistikaya görə, yanvar-iyul aylarında oğlan uşaqlarına ən çox Yusif adı verilib. Bu adı 1051 uşaq alıb.
Uğur adı ikinci (1005 uşaq), Əli adı üçüncü (970 uşaq) populyar addır.
İlk onluqda bu adlar da var:
Hüseyn – 925 uşaq
Məhəmməd – 641
Murad – 606
Ömər – 597
Raul – 510
Ayxan – 472
Tunar – 435.
Yeddi ayın populyar qız adları içində Zəhra liderdir – 1047 uşaq.
Zeynəb adı yanvar-iyul aylarında 807, Məryəm adı 768 uşağa qoyulub.
Digər populyar qız adları belə sıralanır:
Mələk – 715 uşaq
Aylin – 707
Fatimə – 676
Nuray – 648
Nilay – 586
İnci – 537
Dəniz – 495.
Azərbaycan əhalisinin sayı 2020-ci il iyunun 1-nə 10 milyon 89 min 853 nəfər göstərilib. Dövlət Statistika Komitəsi bildirir ki, yanvar-may aylarında Ədliyyə Nazirliyinin qeydiyyat şöbələri 47206 doğulan körpə qeydə alıb, onların 53,2 faizi oğlan, 46,8 faizi qız uşaqlarıdır.
