Dolların 28 ayı
Mərkəzi Bank iyulun 7-də ABŞ dollarının məzənnəsini 1,7 manat həddində saxlayıb. Novator.az-ın məlumatına görə, bununla qiymət sabitliyinin 28-ci ayı – iki il dörd ayı tamamlanıb.
2015-ci il fevralın 21-də və dekabrın 21-də rəsmiləşən iki devalvasiya nəticəsində dolların kursu 0,7844 manatdan 1,5594 manata yüksəlib.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Avro 2020-ci ilə 1,9025, Gürcüstan larisi 0,5947, Rusiya rublu 0,0275, Türkiyə lirəsi 0,2849 manatla başlayıb.
Dövlət Neft Fondu Mərkəzi Bankın 2020-ci ilin ilk yarısında keçirdiyi valyuta hərraclarında 4 milyard 10,2 milyon ABŞ dolları məbləğində vəsait satıb.
Yanvarın hərraclarında fond 300,2 milyon dollar, fevralın hərraclarında 543,4 milyon dollar, martın hərraclarında 1 milyard 928,3 milyon dollar, aprelin hərraclarında 531,1 milyon dollar, mayın hərraclarında 334 milyon dollar, iyunun hərraclarında 373,2 milyon dollar sərf edib.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib. Dörd il yarımda manatı qorumağa 25,6 milyard dollardan çox valyuta sərf edilib.
Mərkəzi Bankın hesabatına görə, iyulun 1-nə valyuta ehtiyatının həcmi 6 milyard 436,3 milyon dollar olub.
2020-ci il 6 milyard 258 milyon dollarla başlayıb.
2015-ci ilin əvvəlində 13 milyard 758,3 milyon dollar valyuta ehtiyatı qeydə alınıb. İki devalvasiya fonunda ilin sonuna ehtiyatın həcmi 5 milyard 16,7 milyon dollara enib.
2017-ci ilin əvvəlinə ehtiyatın həcmi 3 milyard 974,4 milyon dollar, 2018-ci ilin əvvəlinə 5 milyard 334,6 milyon dollar, 2019-cu ilin əvvəlinə 5 milyard 625,7 milyon dollar olub.
