Mehman: “Həyatım xilas olunmaqdadır”
Bloqçu Mehman Hüseynovun müalicəsinə kömək çağırışı ilə başlayan kampaniya effekt verib.
1989-cu il təvəllüdlü Mehman Hüseynov müxalif bloqçudur, 2017-2019-cu illərdə həbsdə yatıb.
Onun qardaşı Emin Hüseynov Reportyorların Azadlıq və Təhlükəsizlik İnstitutunun rəhbəridir. 2014-cü ildə Emin Hüseynova cinayət işi qaldırılıb. O, İsveçrənin Bakıdakı səfirliyinə sığınıb, 2015-ci ildə həmin ölkəyə aparılıb.
Emin Hüseynov iyunun 1-də Mehman Hüseynovun onkoloji xəstə olduğunu, İsveçrədə müalicəsinə 74 min frank lazım gəldiyini bəyan edib (1 frank 1 manat 77 qəpikdir). Bu çağırış əsasında internetdə yardım kampaniyası başlayıb.
Mehman Hüseynov iyunun 5-də özünün “Facebook” səhifəsində yazıb ki, müalicə üçün lazım olan məbləğ yığılıb: “Bu xalq heç nəyə qadir deyil” deyənlərə qulaq asmayın. Onlar bizi ruhdan salmaq üçün bu cür yalanlar yayırlar. Xalq parçalananda, inamsızlıq olanda, birlik, həmrəylik olmayanda onu daha rahat idarə etmək olur.
Məhz Azərbaycan xalqının birliyi, həmrəyliyi nəticəsində mənim həyatım xilas olunmaqdadır. Xalqın birliyi, xalqın həmrəyliyi yenə öz sözünü dedi. 2019-cu ildə vəzifəsindən, peşəsindən, siyasi baxışlarından asılı olmayaraq insanlar birləşib meydanlarda, sosial şəbəkələrdə öz gücünü göstərdi, mən azadlığa çıxdım.
Tarix yenə təkrarlanır. Bu gün öz canımla mübarizə aparanda Azərbaycan xalqı yenə məni tək qoymadı. Cəmi iki günə tələb olunan məbləğ – 140 min manat toplandı. Mən bir daha öz ölkəmlə, öz xalqımla fəxr elədim. Sizlər mənə sahib çıxdınız”.
Mehman Hüseynov 2017-ci ilin martında polisə ağır cinayət ittihamı ilə böhtan atmaqda təqsirli bilinərək 2 il müddətinə azadlıqdan məhrum olunub.
2018-ci il dekabrın 26-da ona yeni cinayət işi açılıb. Rəsmi açıqlamaya görə, həmin gün 14 saylı Cəzaçəkmə Müəssisəsində aparılan axtarış-baxış tədbirləri zamanı Mehman Hüseynov müəssisənin rejim-nəzarət şöbəsinin böyük inspektoru, ədliyyə leytenantı Əli Abdalovun qanuni tələblərinə tabe olmayaraq ona zor tətbiq edib, fiziki müqavimət göstərərək bədən xəsarəti yetirib.
Yeni cinayət işi ölkə ictimaiyyətinin və dünya birliyinin etirazlarına səbəb olub. Bu etirazlardan və Mehman Hüseynovun prezident İlham Əliyevə müraciətindən sonra 2019-cu il yanvarın 22-də ikinci cinayət işinin icraatına xitam verilib.
Mehman Hüseynov 2019-cu il martın 2-də ilk cinayət işi ilə kəsilmiş cəza müddətini başa vuraraq azadlığa çıxıb.
Mehman Hüseynova yeni cinayət işi qaldırılıb
Məhbus bloqçunun aclıq aksiyasına başladığı bildirilir
“Mehman Hüseynova azadlıq!”: məhkəmədən yeni qərarlar gözlənir
Azadlıq istəyənlərdən dördü həbs olundu
Mehman Hüseynov aclıq aksiyasını davam etdirdiyini söyləyib
Mehman Hüseynovun işi: daha bir aksiya
Müsavat mitinq keçirmək qərarına gəlib
Penitensiar Xidmət aclıq xəbərini təkzib edir
Ombudsman Aparatı Mehman Hüseynovla bağlı məlumat yayıb
Mehmana azadlıq istəyənlərin məhkəməsi: yeni qərarlar var
Avropalı komissar Bakıya Mehman təklifi verdi
YAP-çı deputatların reaksiyası
Mehman hansı sözə görə tutulub?
ATƏT-dən Mehmanı buraxmaq çağırışı gəldi
Həbsdə olan müsavatçı aclığa başladığını elan edib
Siyasi Məhbusları Müdafiə Mərkəzi toplantı keçirib
Mehman Hüseynov: daha bir aksiya təyin olunub
Məhbəsdə aclıq: yeni bəyanatlar var
Müsavat fəalı: istintaq yekunlaşdı, aclıq dayandı
Avropa Parlamenti Mehman Hüseynovla bağlı qətnamə qəbul edə bilər
Milli Şuranın mitinqinə icazə verildi
Ofeliya Hüseynovaya Mehmanla görüşməyə icazə verilməyib
Aclıq edən məhbuslarla görüş olub
Mehman Hüseynovla bağlı qətnamə layihəsində nələr var?
Siyasi Məhbusları Müdafiə Mərkəzi hesabat açıqlayıb
“Mehman Hüseynovun işi”: Avropa Parlamenti qətnamə qəbul etdi
“Bu cəhd heç bir nəticə verməyəcək”
Milli Şuranın 19 yanvar mitinqi
Mehman Hüseynovun prezidentə müraciət etdiyi bildirilir
Prezident İlham Əliyev Mehman Hüseynovla bağlı tövsiyə verib
Mehman Hüseynovla bağlı dinləmə keçirilib
Mehman Hüseynovun cinayət işi xətm olundu
Aclıq edən məhbuslardan nə xəbər?
Azadlıqdakı aclıq dayandırıldı
Məhbuslar aclığı dayandırıblar
Mehman Hüseynov səbirsizliklə gözləyir
Mehman Hüseynov mətbuat konfransı keçirəcək
Mehman Hüseynov jurnalistlər qarşısında
Yeni seçki bloku namizədlərini açıqladı
Mehman Hüseynov xaricə müayinəyə gedib
Fərəc Quliyevə xəbərdarlıq qərarı
Mehman xəstədir. Yardım kampaniyası başlayıb
“Ayağa qalxsam, mübarizəmi davam etdirəcəm”
