Milli Məclisin Avropa Şurası Parlament Assambleyasında nümayəndə heyəti açıqlanıb. Report.az-ın məlumatına görə, Səməd Seyidovun rəhbərlik etdiyi heyətdə Erkin Qədirli, Asim Mollazadə, Könül Nurullayeva, Fazil Mustafa, Nigar Arpadarai, Sevinc Fətəliyeva, Pərvin Kərimzadə, Rafael Hüseynov, Kamal Cəfərov, Sabir Hacıyev, Tural Gəncəliyev yer alır.

Azərbaycan 1949-cu ildə yaradılan Avropa Şurasına 2001-ci ildə qoşulub.

Novator.az bildirir ki, bu il fevralın 9-da keçirilmiş növbədənkənar seçkidə Azərbaycan parlamentinin tərkibi yenilənib.

Səməd Seyidov (Yeni Azərbaycan Partiyası – YAP) Milli Məclisdə 107 saylı Qazax dairəsini, Erkin Qədirli (REAL Partiya) 16 saylı Yasamal dairəsini, Asim Mollazadə (Demokratik İslahatlar Partiyası) 22 saylı Nəsimi dairəsini, Könül Nurullayeva (partiyasız) 24 saylı Nizami (Bakı) dairəsini, Fazil Mustafa (Böyük Quruluş Partiyası) 26 saylı Sabunçu dairəsini, Nigar Arpadarai (partiyasız) 29 saylı Səbail dairəsini, Sevinc Fətəliyeva (YAP) 30 saylı Suraxanı dairəsini, Pərvin Kərimzadə (YAP) 37 saylı Nizami (Gəncə) dairəsini, Rafael Hüseynov (Vətəndaş Həmrəyliyi Partiyası) 58 saylı Hacıqabul-Kürdəmir dairəsini, Kamal Cəfərov (YAP) 63 saylı Sabirabad dairəsini, Sabir Hacıyev (Vətəndaş Birliyi Partiyası) 88 saylı Göyçay dairəsini, Tural Gəncəliyev (partiyasız) 122 saylı Xankəndi dairəsini təmsil edir.