Rusiyada yeni demoqrafik hesabat yayılıb. Novator.az xəbər verir ki, Federal Statistika Xidmətinin rəsmi bilgisinə əsasən, 2020-cu ilin əvvəlinə ölkədə 68,1 milyon kişi, 78,6 milyon qadın yaşayıb, hər 1000 qadına 866 kişi düşüb.

Hesabata görə, kişilərin sayı qadınların sayını yalnız 29 yaşa qədər kateqoriyada üstələyir. Bu yaş kateqoriyasında hər 1000 qadına 1050 kişinin, 30-39 yaş arası qrupda isə hər 1000 qadına 999 kişinin düşdüyü bildirilir.

Yaşlı insanlar qrupunda qadınların kişilərdən çox olduğu vurğulanır. 40-49 yaş qrupunda hər 1000 qadına kişilərin sayı 926 nəfər, 50-59 yaş qrupunda 839 nəfər göstərilir.

Statistikada 60-89 yaşlı insanlar arasında hər 1000 qadına 569 kişinin, 90-99 yaşlılar arasında hər 1000 qadına 289 kişinin düşdüyü yer alır.

Səidə Hüseynova