Sabitlik və dəyişmələr
Martın 3-də bir çox xarici valyutanın rəsmi kursu dəyişməz qalıb. Novator.az-ın məlumatına görə, ABŞ dolları banklara 1,7, BƏƏ dirhəmi 0,4628, Çin yuanı 0,2439, Gürcüstan larisi 0,6116 manata təklif olunur. 100 İran rialına 0,0040 manat qiymət qoyulub.
Mərkəzi Bank avro (1,8946 manat), Rusiya rublu (0,0257 manat) və Türkiyə lirəsini (0,2751 manat) bahalaşdırıb.
İngiltərə funt sterlinqinin rəsmi məzənnəsi isə 2,1724 manata düşüb (Valyutalar).
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
2015-ci ilin devalvasiyaları nəticəsində dolların rəsmi kursu 0,7844 manatdan 1,5594 manata qalxıb.
2016-cı ildə rəsmi qiymət 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən 1,7 manatadır.
Dövlət Neft Fondu Mərkəzi Bankın 2020-ci ilin yanvar ayında keçirdiyi valyuta hərraclarında 300,2 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
Mərkəzi Bankın rəsmi hesabatına görə, martın 1-nə valyuta ehtiyatının həcmi 6 milyard 400,9 milyon dollara çatıb.
