İşğalçı Dağlıq Qarabağ rejiminin rəsmi qurumları bəzi statistik hesabatlar yayıb. Novator.az bildirir ki, iddiaya görə, rejimin nəzarətində olan ərazidə 2019-cu ildə 2131 nəfər doğulub, 1155 nəfər ölüb, 836 nikah, 207 boşanma qeydə alınıb.

İşğal zonasına 2019-cu ildə 41963 turistin gəldiyi qeyd olunur. İddiaya əsasən, bu, 2018-ci illə müqayisədə 46,7% çoxdur.

Hesabatda bildirilir ki, il ərzində işğal zonasına 19160 nəfər Rusiya, 7527 nəfər ABŞ, 1661 nəfər Fransa vətəndaşı gəlib.

1988-ci ildə Ermənistan Azərbaycanın Dağlıq Qarabağ vilayətini ələ keçirmək üçün təcavüzə başlayıb. 1991-ci ildə ermənilər Dağlıq Qarabağı “müstəqil dövlət” elan edib. 1994-cü ildə atəşkəslə dayanan işğalçı müharibədə Dağlıq Qarabağ bölgəsi (Xankəndi şəhəri, Şuşa, Xocalı rayonları tam, Xocavənd rayonu, keçmiş Ağdərə rayonu qismən) və onun ətrafındakı bölgələr (Laçın, Kəlbəcər, Qubadlı, Zəngilan rayonları tam, Ağdam, Füzuli, Cəbrayıl rayonları qismən) ermənilərin əlinə keçib.