Novator.az yenidən Avropanın aparıcı milli futbol çempionatlarının gedişinə nəzər salıb.

İngiltərə çempionatında 22 oyun keçirən “Liverpul” 64 xalla liderdir. “Mançester Siti” 23 oyunda 48, “Lester” 45, “Çelsi” 39 xal yığıb.

İspaniya çempionatında 20 turdan sonra “Barselona” və “Real” 43 xalla öndə dururlar. “Atletiko” və “Sevilya” 35 xal götürüblər.

İtaliya çempionatında “Yuventus” 20 oyuna 51 xalla ilk sıradadır. Onu 47 xalla “İnter” izləyir. “Latsio” 19 oyunda 45, “Roma” 20 oyunda 38 xal qazanıb.

Almaniya çempionatında 18 turdan sonra “Leypsiq” 40 xalla öndədir. “Bavariya” 36, “Borussiya” (Mönhenqladbah) 35, “Borussiya” (Dortmund) və “Şalke” 33 xal yığıblar.

Fransa çempionatında PSJ 20 oyuna 49, “Marsel” 41, “Renn” 36 xal əldə edib.