Yanvarın 21-də ABŞ dollarının (1,7 manat) və Rusiya rublunun (0,0276 manat) rəsmi məzənnələri sabit qalıb.

Bir çox valyutada isə ucuzlaşma var. Mərkəzi Bank avronu 1,8868, Gürcüstan larisini 0,5907, Türkiyə lirəsini 0,2870 manata endirib (Valyutalar).

Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb. Dolların indiki qiyməti isə 2018-ci il martın 7-dən qüvvədədir.

Dövlət Neft Fondu Mərkəzi Bankın manatı qorumaq üçün 2019-cu ildə keçirdiyi valyuta hərraclarında 6 milyard 593,7 milyon ABŞ dolları məbləğində vəsait sərf edib.

2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.