2019-cu ilin yanvar-noyabr aylarında Azərbaycana 192 ölkədən 2 milyon 923,8 min və ya 2018-ci ilin 11 ayı ilə müqayisədə 11 faiz çox əcnəbi gəlib. Hesabatı Dövlət Sərhəd Xidmətinə istinadla Dövlət Statistika Komitəsi yayıb.

Novator.az bildirir ki, rəsmi məlumata əsasən, gələnlərin 29,7 faizi Rusiya, 22,6 faizi Gürcüstan, 9,9 faizi Türkiyə, 8 faizi İran, 3,5 faizi Səudiyyə Ərəbistanı vətəndaşıdır.

Hesabata görə, yanvar-noyabr aylarında xarici ölkələrə gedən Azərbaycan vətəndaşlarının sayı əvvəlki ilin müvafiq dövrü ilə müqayisədə 14,1 faiz artaraq 5 milyon 95 min nəfər olub. Ölkə vətəndaşlarının 36,7 faizi İrana, 28,7 faizi Gürcüstana, 17,6 faizi Rusiyaya, 11,5 faizi Türkiyəyə, 5,5 faizi digər ölkələrə gedib.