Yüksəliş və sabitlik
Mərkəzi Bank dekabrın 12-də valyutaların bir qismini bahalaşdırıb. Novator.az-ın məlumatına görə, avro 1,8941, Gürcüstan larisi 0,5916, Rusiya rublu 0,0269, Türkiyə lirəsi 0,2930 manata yüksəlib.
ABŞ dollarının rəsmi məzənnəsi isə 1,7 manat həddində qalıb.
Avro 2019-cu ildə 1,9323, Gürcüstan larisi 0,6346, Rusiya rublu 0,0245, Türkiyə lirəsi 0,3141 manatla start götürüb. Dolların indiki qiyməti 2018-ci il martın 7-dən qüvvədədir.
Dövlət Neft Fondu manatın qorunması üçün Mərkəzi Bankın yanvar-noyabr aylarında keçirdiyi valyuta hərraclarında 5 milyard 707,4 milyon ABŞ dolları məbləğində vəsait satıb.
