ABŞ Konqresinin aşağı palatası – Nümayəndələr Palatası oktyabrın 29-da qondarma erməni soyqırımını tanıyan və pisləyən qətnamə qəbul edib. Novator.az bildirir ki, qətnamə layihəsini 405 konqresmen dəstəkləyib, 11 nəfər sənədin əleyhinə çıxıb, 3 nəfər bitərəf qalıb.
Nümayəndələr Palatası 435 nəfərdən ibarətdir.
Saxta soyqırımı iddialarına görə, 1915-ci il aprelin 24-dən başlayaraq 1923-cü ilə kimi Türkiyədə 1 milyon 500 min nəfər erməni öldürülüb. Bu iddiaları indiyədək bir çox ölkə (Fransa, İtaliya, İsveç, İsveçrə, Avstriya, Niderland, Belçika, Lüksemburq, Yunanıstan, Kipr, Danimarka, Polşa, Çexiya, Slovakiya, Vatikan, Litva, Rusiya, Kanada, Uruqvay, Braziliya, Argentina, Çili, Venesuela, Boliviya, Livan və s.), bəzi beynəlxalq qurumlar, həmçinin ABŞ-ın 49 ştatı rəsmən tanıyıb.
